काठमाडौं । संघीय सहकारी विभागका रजिस्ट्रार नमराज घिमिरेले सहकारीको नाम राखेर अरू व्यवसाय गर्नेहरू अहिले समस्यामा परेको बताएका छन् । बुधबारदेखि काठमाडौंमा सुरु भएको सहकारीका व्यवस्थापन प्रमुखहरूको राष्ट्रिय गोष्ठी–२०७९ मा उनले यस्तो बताएका हुन् ।
“अहिले जति पनि सहकारी समस्यामा छन्, ती सबै सहकारीको ऐन, नियम र मापदण्डविपरीत चलेकाले यो समस्या आएको हो,” उनले भने, “सहकारीकै रूपमा चल्ने सहकारी अहिले राम्रैसँग चलेका छन् । सहकारीले बैंकसँग प्रतिस्पर्धा गर्ने हैन ।”
सहकारीका व्यवस्थापकहरू नै सहकारी संस्थाप्रति जिम्मेवार भएकाले सहकारी बिग्रिनुमा उनीहरूको हात हुने उनले बताए ।