काठमाडौं । स्वास्थ्य तथा जनसंख्या मन्त्रालयले अक्सिजन सिलिण्डरहरु नथन्काईकन समयमा नै सम्बन्धित उद्योगमा फिर्ता गर्न सबैलाई आग्रह गरेको छ ।
बुधबार (आज) एक विज्ञप्ति जारी गर्दै मन्त्रालयले हाल सिलिण्डरहरु समयमा नै उद्योगमा भर्न नपुग्ने समस्या अत्यधिक बढिरहेको हुँदा यसले आगामी दिनमा समस्या निम्त्याउने भन्दै समयमा नै सिलिण्डरहरु सम्बन्धित उद्योगमा फिर्ता गर्न आग्रह गरेको हो ।
मन्त्रालयले सूचनामार्फत अक्सिजन सिलिण्डरहरु देशका दूरदराजमा वा व्यक्तिका घरहरुमा थन्किएर रहेमा अस्पतालहरुमा सघन उपचाररत संक्रमितहरुलाई अप्ठ्यारो हुन जाने भएकोले सबैजना संवेदनशील बनिदिन अनुरोध समेत गरेको हो ।
Total Page Visits: 1020 - Today Page Visits: 1
