अमेरिकी प्राध्यापक साढे दुई महिनादेखि पानीमुनि
काठमाडौं । ‘डिप्रेसराइजेशन’ बिनै अर्थात् चाप नघटाईकनै सबैभन्दा लामो समय पानीमुनि बिताएर एक अमेरिकी अनुसन्धानकर्ताले नयाँ विश्वकीर्तिमान कायम गरेका छन् ।
जोसेफ डिटुरीले फ्लोरिडास्थित की लार्गोसमा एउटा ३० फीट गहिरो लगूनको पीँधमा ७४ दिनसम्म बसेर पुरानो कीर्तिमान भङ्ग गरेका हुन्।
उनी अझै त्यहीँ बसिरहेका छन् र तत्काल बाहिर निस्किने उनको योजना छैन। उनले आइतबार आफू जूल्स अन्डरसी लजमा कम्तीमा १०० दिन बस्ने बताए।
‘नयाँ खोजको उत्सुकताले मलाई यहाँ ल्याएको हो,’ उनले भने। ‘पहिलो दिनदेखि नै मेरो उद्देश्य भावी पुस्तालाई प्रेरणा दिने, पानीमुनिको जीवन अध्ययन गर्ने वैज्ञानिकहरूको अन्तर्वार्ता गर्ने र चरम वातावरणमा मानव शरीरले कसरी काम गर्छ भन्ने अध्ययन गर्नु रहेको छ।’
यसअघि सामान्य चापकै अवस्थामा पानीमुनि धेरै समय बस्ने विश्वकीर्तिमान ७३ दिनको थियो। सन् २०१४ मा की लार्गो लजमा दुई प्राध्यापकहरूले उ...