काठमाडौं । संस्कृति पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणका महानिर्देशक प्रदीप अधिकारीलाई स्पष्टिकरण सोधेको छ । सोमबारको मन्त्रीस्तरीय निर्णय अनुसार अधिकारीलाई स्पष्टिकरण सोधिएको हो ।
आ.व. २०७९/८० को संघीय संसदले पास गरेको बजेट तथा कार्यक्रमको बुँदा नं. १०१ मा नेपाल नागरिक उड्डयन प्राधिकरणलाई नियामक निकाय र सेवा प्रदायक निकायको रुपमा छुट्याउने भनी उल्लेख भएको र सो बमोजिम कार्य भइरहेको र त्यसको विपरित महानिर्देशकले अभिव्यक्ति दिएको भन्दै स्पष्टिकरण सोधिएको हो ।
उक्त बुँदा बमोजिम प्रक्रिया अघि बढिरहेको अवस्थामा सरकारको नीति विपरित विभिन्न कार्यक्रममा अभिव्यक्ति दिने, उक्त नीतिको प्रतिकुल सञ्चार माध्यमहरुमा अन्तर्वार्ता तथा अभिव्यक्त दिने जस्ता कार्यहरु गरी सरकारको नीतिको परिपालन नगर्ने र उल्टै त्यसलाई चुनौति दिने कार्यमा संलग्न रहेको पाइएको पाइएको पनि स्पष्टिकरण सोधिएको पत्रमा उल्लेख छ ।
