काठमाडौं । नेपाल अक्सिजन ग्यास उत्पादक संघले खाली भएका र प्रयोगविहिन रहेका अक्सिजन सिलिन्डर सम्बन्धित उद्योगमा बुझाउन आग्रह गरेको छ । संघले एक सूचना जारी गर्दै कोरोना भाइरस संक्रमितलाई अक्सिजनको आवश्यकता परिरहेकाले खाली तथा प्रयोगविहिन सिलिन्डर फिर्ता गर्न आग्रह गरेको हो ।
खाली सिलिन्डरमा अक्सिजन रिलिफ गरि विभिन्न अस्पताल, मेडिकल, अक्सिजनाको आवश्यकता पर्ने बिरामीलाई उपलब्ध गराउने ग्यास उत्पादक संघको भनाई छ ।
संघमा आवद्ध रहेका कान्तिपुर अक्सिजन, सगरमाथा अक्सिजन, अक्सिटेक अक्सिजन, नव ज्योती ग्यास अक्सिजन, हाम्रो अक्सिजन प्रालिमा सिलिन्डर बुझाउन सकिने छ । त्यस्तै सोपान फर्मास्युटिकल्स, हिमाल अक्सिजन, सिता अक्सिजन, शंकर अक्सिजन प्रालिमासमेत सिलिन्डर बुझाउन संघले आग्रह गरेको छ ।
Total Page Visits: 995 - Today Page Visits: 1
