काठमाडौं । बुद्धभुमि नेपाल हाइड्रोपावर लिमिटेडले सोमबार (आज) देखि सर्वसाधारणलाई आईपीओ निष्कासन तथा विक्री खुला गरेको छ ।
कम्पनीले सर्वसाधारणमा कुल रू. ८ करोड बराबरको ८ लाख कित्ता आईपीओ जारी गर्ने भएको हो । कुल कित्तामध्ये २ प्रतिशत अर्थात १६ हजार कित्ता कर्मचारीहरुका लागि र ५ प्रतिशत अर्थात ४० हजार कित्ता सामूहिक लगानी कोषका लागि सुरक्षित गरेको छ भने बाँकी रहेको ७ लाख ४४ हजार कित्ता सर्वसाधारणलाई निष्कासन गर्ने छ ।
यो आईपीओमा आवेदन दिने मिति छिटोमा असोज १४ गतेसम्म रहेको छ । उक्त अवधिभित्र माग बमोजिम आवेदन नपरेमा भने ढिलोमा असोज २५ गतेसम्म विक्री खुला गरिने कम्पनीले जनाएकोे छ । कम्पनीको आईपीओ खरीदका लागि न्यूनतम १० कित्तादेखि अधिकतम ५० हजार कित्तासम्म माग गर्न सकिने व्यवस्था रहेको छ ।
कम्पनीको आईपीओ विक्री प्रबन्धकमा सिभिल क्यापिटल मार्केट लिमिटेड रहेको छ ।