काठमाडौं , (ससं) । नेपाल कम्युनिष्ट पार्टि (नेकपा) प्रचण्ड-माधव समूहको सचिवालय बैठक अहिले जारी रहेको छ । बैठक संसदीय दलको कार्यालयमा जारी छ ।
बैठकमा आगामी रणनीति बनाइने एक नेताले बताएका छन् । संसद् बैठकको मिति नजिकिदै गएका बेला कसरी अगाडि बढ्ने भन्ने विषयमा छलफल भइरहेको उनले बताएका हुन् ।
अविश्वासको प्रस्तावमाथि साथ दिन अध्यक्षद्वय पुष्पकमल दाहाल र माधवकुमार नेपालले विपक्षी दलहरु नेपाली काँग्रेस र जनता समाजवादी पार्टी सँग आग्रह गरेका छन् । विपक्षी नेताहरुले भने नेकपा विभाजित भएको प्रष्ट नभएसम्म निर्णय नलिने बताएका छन् ।
सर्वोच्च अदालतले गएको ११ फागुनमा संसद् पुनर्स्थापना गरेर १३ दिनभित्र बैठक बोलाउन आदेश दिएपछि सरकारले २३ फागुनमा बैठक बोलाएको छ ।
Total Page Visits: 529 - Today Page Visits: 1
