काठमाडौं, (ससं) । हिमाली जिल्लामा पनि यो वर्ष जेठ महिनामा नै शैक्षिक सत्र सकिने र असारबाट नयाँ शैक्षिक सत्र सुरु हुने भएको छ । सामान्यतया फागुनबाट नयाँ शैक्षिक सत्र सुरु हुने हिमाली जिल्लाहरुमा कोरोनाको कारण नयाँ शैक्षिक सत्र अन्य जिल्लाहरुसँगै असारबाट नै हुने भएको हो ।
मुगु र कालीकोट जिल्लाको केही क्षेत्र र हुम्ला, जुम्ला, डोल्पा, मनाङ, मुस्ताङ जिल्लामा हिउँदमा हिमपातका कारण विद्यालयमा प्रतिकूल प्रभाव पर्ने भएकोले फागुन १ देखि नयाँ शैक्षिक सत्र सुरु हुँदै आएको थियो ।
तर यो वर्ष कोरोनाको कारण पठनपाठनमा असर परेकोले सबैतिर एउटै समयमा शैक्षिक सत्र अन्त्य र सुरु गर्ने निर्णय भएको शिक्षा मन्त्रालयले जनाएको छ कोरोनाका कारण फागुनबाट नयाँ शैक्षिक सत्र सुरु गर्न सक्ने अवस्था नभएको मन्त्रालयले जनाएको छ । ती जिल्लाहरुमा पनि असारबाटै सुरु हुने छ ।
Total Page Visits: 847 - Today Page Visits: 1
