काठमाडौं । राष्ट्रिय बीमा कम्पनीको खुद नाफा घटेको छ ।
कम्पनीले बिहीबार प्रकाशित गरेको चालू आर्थिक वष २०८०/०८१ तेस्रो त्रैमासिक विवरण अनुसार कम्पनीको खुद नाफा २४.७८ प्रतिशतले घटेको हो ।
कम्पनीले चालू आवको तेस्रो त्रैमास सम्ममा ५१ करोड ६३ लाख ३६ हजार रुपैयाँ खुद नाफा आर्जन गरेको छ । गत आवको सोहि अवधिमा कम्पनीको यस्तो नाफा ६८ करोड ६४ लाख ३७ हजार रुपैयाँ थियो ।
तेस्रो त्रैमाससम्म कम्पनीले १ अर्ब १५ करोड ४७ लाख रुपैयाँ बीमाशुल्क संकलन गरेको छ । कम्पनीले हालसम्म दिर्घकालिन लगानीका रुपमा १ अर्ब ३४ करोड रुपैयाँ लगानी गरेको छ । अल्पकालिन रुपमा कम्पनीले ६ अर्ब ७६ करोड रुपैयाँ लगानी गरेको वित्तीय विवरणमा उल्लेख गरिएको छ ।
कम्पनीको प्रतिशेयर आम्दानी २५.१९ रुपैयाँ, प्रतिशेयर नेटवर्थ १ हजार ६११.२९ रुपैयाँ, तरलता अनुपात ३.४३ र प्रतिशेयर कुल सम्पत्ती २५३.१८ रुपैयाँ छ । कम्पनीको चुक्तापूँजी २६ करोड ६६ लाख रुपैयाँ छ ।
