काठमाडौं । मिटरब्याजी पीडितहरु महोत्तरीबाट ११ दिन पैदल हिडेर हिजो सोमबार संघीय राजधानी काठमाडौं आईपुगेका थिए ।
उनीहरु मिटरब्याजमा ऋण दिने साहुको ज्याजती सहन नसक्ने भएपछी संघीय सरकारको ध्यानाकर्षण गराउन आज मंगलबार बानेश्वरको संसद भवन नजिकै धर्ना बसेका हुन ।
ऋण दिँदा घरजग्गा पासगर्न लगाउने र ऋण तीरिसक्दापनि त्यो घरजग्गा साहुले फिर्ता नदिने पीडितको गुनासो छ ।
सरकारले मिटरब्याज सम्बन्धि समस्या समाधान गर्ने भन्दै समिति पनी गठन गरेको थियो । त्यो समितिले मिटरब्याजसम्बन्धी निवेदन दिन पनि भनेको थियो तर, पावर र पहुँचको भरमा मिटरब्याजीहरु कारबाहीमा नपरेको हुँदा आँफुहरु संघीय सरकार समक्ष हिनेर आउन बाध्य भएको उनिहरुले बताएका छन् ।
कतिपय पीडितहरु बालबच्चा बोकेरै आएकाछन् । शक्तिको आडमा ऋणीलाई तर्साइरहेका उनीहरु बताउँछन् ।
मिटरब्याजीलाई कारबाही, तमसुकसम्बन्धी ब्यबस्था खारेज, झुटामुद्दामा समातिएका पीडितलाई रिहा र मिटरब्याजीको सम्पत्ति छानविन उनीहरुको माग रहेको छ । उनीहरु १० लाख ऋण लिएको तर, तिर्दा २५ लाखसम्म तिर्दा पनि साहुले घर खेती समेत साहुले हडेपेको उनीहरुको गुनासो रहेको छ ।
आफुहरुका यी माग सरकारले सम्बोधन नगरेसम्म काठमाडौं छोडेर नजाने उनीहरुको प्रतिबद्धता रहेको छ ।
