काठमाडौं । जनरल इन्स्योरेन्स कम्पनी नेपाल लिमिटेडको वार्षिक साधारण सभा स्थगित भएको छ । वैशाख २४ गते बसेको संचालक समितिको बैठकले वैशाख २६ गते हुने तेस्रो साधारण सभा अर्को सूचना जारी नभएसम्मका लागि स्थगित गर्ने निर्णय गरेको हो ।
विश्वभरि महामारीको रुपमा फैलिएको कोरोना भाइरसका कारण काठमाडौं उपत्यकामा निषेधाज्ञा जारी भएको र नेपाल सरकारले सबै प्रकारका सभा, सम्मेलन, गोष्ठी, तालिम, सेमिनार, सिनेमा हल, पार्टी प्यालेस, खेलकुद, पुस्तकालय आदि सञ्चालन गर्न नपाइने र १५ जना भन्दा बढी भेला नहुन निर्देशन जारी गरेको व्यवस्थालाई मध्यनजर राख्दै साधारण सभा स्थगित गरेको कम्पनीले जनाएको छ ।
Total Page Visits: 1368 - Today Page Visits: 1
