काठमाडौं । नेपाल अटोमोबाइल्स एसोसिएसन (नाडा)को अध्यक्षमा करण चौधरी सर्वसम्मत चयन भएका छन् ।
मंगलबार नाडाका पदाधिकारीसहितको बैठकले चौधरीलाई पूर्ण कार्यकालका लागि अध्यक्ष बनाउने सहमति गरेको नाडाका वर्तमान महासचिव सुरेन्द्रकुमार उप्रेतीले जनाएका छन् ।
नाडाका वर्तमान अध्यक्ष ध्रुव थापा र उपाध्यक्ष निराकार श्रेष्ठले पनि दुईवर्षे पूर्ण कार्यकालका लागि चौधरीलाई सर्वसम्मतरूपमा अध्यक्षमा चयन गरिएको बताएका छन् ।
चौधरी सीजी होल्डिङ्सका कार्यकारी निर्देशक हुन् । उनलाई प्रतिस्पर्धी गोल्छा ग्रुपका आकाश गोल्छा र सिप्रदी ट्रेडिङका सीईओ राजनबाबु श्रेष्ठले समर्थन गरेका हुन् ।
अध्यक्ष सर्वसम्मत भएपछि अब २४ जना केन्द्रीय कार्य समिति सदस्य छानिने छन् । ती सदस्यले उपाध्यक्षलगायत पदाधिकारी छान्ने छन् । नाडाको ४७ औं साधारणसभा आगामी पुस २० र २१ गते हुँदैछ ।
Total Page Visits: 127 - Today Page Visits: 1
